InicioSociedadeO xulgado obriga a indemnizar con 24.000 euros a unha empresa de...

O xulgado obriga a indemnizar con 24.000 euros a unha empresa de son polo accidente do Marisquiño

PUBLICADO O

O xulgado do Contencioso Administrativo número 2 de Vigo estimou un recurso presentado por unha empresa de equipos de sons e ordenou ao Porto indemnizala en case 24.000 euros polos danos e prexuízos que sufriu derivados do accidente ocorrido no festival O Marisquiño en 2018, cando parte dun paseo esborrallouse durante un concerto causando decenas de feridos.

Segundo a resolución, a empresa achegara diferentes equipos para a celebración desta actividade no marco do festival e, debido ao accidente, a zona foi precintada por motivos de seguridade. Aínda que o xulgado autorizou dous días despois a que a empresa puidese acceder á zona sinistrada para recuperar os seus aparellos, o certo é que estes non puideron estar dispoñibles para outros eventos.

A empresa tivo que alugar outros equipos para seguir traballando, e son eses gastos os que reclamou ao Porto de Vigo. A Autoridade Portuaria rexeitou a súa solicitude e agora o xulgado estimou o recurso e deu a razón á empresa.

Na súa resolución, o xuíz sinala que o espazo onde ocorreu o accidente é de titularidade do Porto, aínda que o Concello debía encargarse do seu mantemento. Respecto diso, apunta que cando se fala de xestión conxunta entre varias administracións estas deben responder fronte aos particulares, “en todo caso, de forma solidaria”.

É por iso que establece que o Porto non pode subtraerse a esa responsabilidade e debe indemnizar á prexudicada, sen prexuízo de que, en virtude desa responsabilidade solidaria, podo logo reclamar o reembolso de todo ou de parte do pago á outra administración implicada, neste caso, o Concello de Vigo.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...