InicioSociedadeMulta de 540 euros a un pai vigués tras admitir que consentiu...

Multa de 540 euros a un pai vigués tras admitir que consentiu absentismo escolar continuado da súa filla menor

A fiscalía pedía 5 meses e medio de prisión.

PUBLICADO O

- Advertisement -

Un pai vigués, José Antonio V.D., aceptou este mércores unha multa de 540 euros como autor dun delito de abandono de familia, tras consentir que a súa filla menor de idade faltase ao instituto durante practicamente un curso enteiro.

Así se trasladou na vista de conformidade celebrada na sala do Penal 3 de Vigo, na que a maxistrada, tras o devandito acordo, ditou sentenza ‘in voce’, que xa foi declarada firme. Desta maneira, ao admitir o acusado os feitos, condenouno á pena de multa de 6 meses cunha cota diaria de 3 euros, que o procesado pagará en 6 prazos.

Inicialmente, a Fiscalía pedía 5 meses e medio de prisión e a inhabilitación para exercer o dereito da patria potestade por 3 anos. No entanto, ao recoñecer os feitos o home, o ministerio público rebaixou esa petición e reclamou os 6 meses de multa, mentres que suprimiu a petición de suspender a patria potestade.

Os feitos recoñecidos por José Antonio V.D. ocorreron durante o curso académico 2020-21. Segundo se recolle no escrito de acusación pública, este pai “incumpriu consciente e deliberadamente” as súas obrigacións de garantir a educación da súa filla, porque consistiu “con pasividade e desidia” que a menor, que estaba matriculada en 2º da ESO nun instituto de Vigo, apenas fóra a clase uns días do primeiro trimestre en todo o curso.

ÚLTIMAS

O acusado de asasinar ao okupa co que convivía en Vigo: “Eu non son o autor de nada, queríao como a un irmán”

O acusado de asasinar a un okupa co que convivía en Vigo declarouse inocente...

Caballero acusa ao BNG de “atacar” Vigo por oporse á nova A-52 que é “respectuosa co medio ambiente”

O alcalde de Vigo, Abel Caballero, criticou este mércores o "ataque" á cidade do...

O home acusado de deixar sen un ollo á súa exparella en Vigo acepta 5 anos de cárcere

O home acusado dun delito de lesións con perda de órgano e sentido, Pablo...

Un exmembro do Opus Dei acepta en Vigo 5 anos de prisión tras recoñecer agresión sexual continuada a un menor

Un exmiembro dunha asociación xuvenil vinculada ao Opus Dei, acusado dun delito continuado de agresión...