InicioSucesosPiden máis de 9 anos de cárcere para o presunto autor de...

Piden máis de 9 anos de cárcere para o presunto autor de varios incendios en Salvaterra

Os lumes producíronse no verán de 2020, en zonas próximas a vivendas

PUBLICADO O

A Fiscalía pide penas que suman 9 anos e medio de cárcere para un home que será xulgado este martes na sección cuarta da Audiencia Provincial de Pontevedra, como presunto autor de varios incendios forestais declarados no verán de 2020 no municipio pontevedrés de Salvaterra do Miño.

Segundo o escrito de acusación pública, o procesado prendeu lume en varias zonas de monte da parroquia de Uma entre as 16,00 e as 21,07 horas do día 22 de xullo de 2020. Dáse a circunstancia de que esa xornada as temperaturas excederon con fartura os 30 graos centígrados e o índice de risco de incendio era extremo, e varios dos lumes declaráronse próximos a vivendas.

Por estes feitos, a Fiscalía acúsao de dous delitos de incendio forestal de especial gravidade e un delito de danos por incendio. Tras pedir que se aplique a circunstancia atenuante de alteración psíquica (o acusado ten un cociente de intelixencia límite, con trastornos de conduta), solicita que sexa condenado a penas que suman 9 anos e medio de prisión, e multas por 9,600 euros.

Así mesmo, aínda que os donos dos terreos afectados renunciaron a ser indemnizados, si pide que pague á Xunta 6.550,86 euros polos gastos derivados da extinción deses incendios.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...