InicioSociedadeEthel Vázquez anuncia unha liña de autobús directa entre O Morrazo e...

Ethel Vázquez anuncia unha liña de autobús directa entre O Morrazo e os hospitais de Vigo

Defendeu que o transporte público é unha materia "viva" e a Xunta "fai labor de escoita e seguimento e de achegar solucións".

PUBLICADO O

A conselleira de Infraestruturas, Ethel Vázquez, avanzou que a Xunta porá en marcha de forma inmediata, aínda que non concretou cando se porá en funcionamento, unha liña de autobús directa que conectará O Morrazo (Cangas e Moaña) cos hospitais de Vigo.

Concretamente, habilitarase unha liña de bus de luns a venres ás 6,40 horas con percorrido Cangas-Moaña cale Pizarro e outra que fará o percorrido Cangas-Moaña-Meixoeiro-Álvaro Cunqueiro. A volta entre os hospitais e O Morrazo, con especial demanda entre os traballadores sanitarios e tamén entre usuarios en xeral, será ás 15,15 horas.

“Cando vostede vai, eu volvo”, contestou a titular da mobilidade galega, quen non precisou cando se porá en marcha esta liña ante as críticas da deputada do PSdeG Leticia Galego, quen asegurou que se tarda case dúas horas para percorrer un camiño de 38 quilómetros.

A parlamentaria socialista lembrou que son moitos traballadores, estudantes e pacientes os que realizan ese transporte a diario para desenvolver as súas diferentes actividades na zona do Complexo Hospitalario Universitario Álvaro Cunqueiro e no Meixoeiro e reclamou deseñar un transporte cun tempo inferior a unha hora.

Na súa resposta, a titular de Infraestruturas rexeitou a visión “catastrofista” da deputada do PSdeG e defendeu que o transporte público é unha materia “viva” e a Xunta “fai labor de escoita e seguimento e de achegar solucións”.

Ademais, Ethel Vázquez rexeitou “leccións” dos socialistas apelando aos problemas que teñen os trens Avril ou as liñas de media distancia de Renfe en Galicia. Do mesmo xeito, afeou ao Concello de Vigo a súa “negativa” a integrarse no transporte metropolitano, o que “impide” maiores descontos aos usuarios como o transbordo do interurbano ao bus urbano.

A responsable de Mobilidade aproveitou a súa intervención para destacar os datos de viaxeiros do autobús interurbano, que é competencia autonómica, e que “non pode achacarse ás bonificacións extraordinarias”. No caso concreto que se abordou no pleno, tamén destacou a relevancia do transporte de ría, con 1,1 millóns de viaxes o pasado ano.

Do mesmo xeito, destacou os datos positivos de usuarios nos autobuses interurbanos no Morrazo, cun incremento do 30% de viaxeiros despois do verán entre O Morrazo e Vigo, fronte á subida media dun 20% que se rexistrou no conxunto de Galicia. É máis, os pasaxeiros de orixe e destino Moaña experimentaron un incremento do 41% comparados os datos de febreiro de 2023 cos do ano anterior.

CHUAC

Doutra banda, en resposta a unha pregunta formulada pola deputada do PPdeG Begoña Freire, que lle deu o parabén; Ethel Vázquez destacou o convenio que permitiu “desbloquear” a construción do acceso ao novo Complexo Hospitalario Universitario da Coruña (Chuac).

Respecto diso, defendeu que “non foi fácil” sentar co Concello da cidade herculina, pero que a Xunta foi con vontade de diálogo e propuxo “alternativas”, ata 20. “Agora o que toca é recuperar o tempo”, salientou.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...