O Consello de Ministros acordou declarar a Paramos, en Tui (Pontevedra), como zona de emerxencia máis de tres meses despois da explosión dunha pirotecnia que deixou decenas de casas esnaquizadas en maio.

Isto permitirá que os afectados poida acceder a axudas económicas “esenciais” como exencións fiscais ou a posibilidade de eximir do imposto da renda ás persoas afectadas. Así o anunciou, durante a rolda de prensa posterior ao Consello de Ministros, a ministra portavoz do Goberno, Isabel Celaá. Esta era a gran reclamación que, desde meses, levaban facendo os afectados e tamén o alcalde de Tui, Carlos Vázquez Padín.

O barrio de Paramos sufriu a finais de maio unha explosión de material pirotécnico nun almacén clandestino que ocasionou a morte a dúas persoas e deixou feridas polo menos a unha trintena e ao redor dunha vintena de vivendas saltou polo aire e varias decenas máis sufriron desfeitas. A explosión notouse a unha distancia de 70 quilómetros.