InicioSociedadeO Álvaro Cunqueiro celebrou este mércores o Día Internacional do Cancro Infantil...

O Álvaro Cunqueiro celebrou este mércores o Día Internacional do Cancro Infantil cun programa de animación

A día de hoxe, o índice de supervivencia do cancro infantil sitúase no 82 %, e os puntos fundamentais para tratalo baséanse nun diagnóstico precoz.

PUBLICADO O

O Hospital Álvaro Cunqueiro de Vigo conmemorou este mércores o Día Internacional do Cancro Infantil cun programa de actividades de animación, en colaboración coas asociacións Asanog e Bicos de Papel, e cos pallasos de Galiclown.

O conselleiro de Sanidade, Julio García Comesaña, sumouse aos actos e visitou a nova sala de xogos para nenos e nenas pacientes oncolóxicos da planta de pediatría, posta en marcha pola Asociación Bicos de Papel. Os menores ingresados recibiron a visita de pallasos, de ‘Spiderman’ e de personaxes da saga ‘Star Wars’. Ademais, recibiron agasallos doados polo Corte Inglés.

A coordinadora da Unidade de Oncoloxía Infantil, María Tallón, explicou que se están conseguindo “melloras substanciais” neste campo médico e, cada ano, mellóranse as expectativas de curación dos pequenos con cancro, reducindo secuelas do tratamento e progresando na atención psicólogica e social ás familias.

A día de hoxe, o índice de supervivencia do cancro infantil sitúase no 82 %, e os puntos fundamentais para tratalo baséanse nun diagnóstico precoz, un tratamento protocolizado, seguimento de efectos secundarios e apoio ás familias en áreas como a escolarización ou a reintegración ás súas vidas tras o tratamento.

O ano pasado diagnosticáronse 22 pacientes con patoloxía oncolóxica infantil maligna, cifra similar á do ano anterior. Son menores que seguen tratamento quimioterápico no hospital de día e en planta de pediatría. A enfermidade máis frecuente é a leucemia aguda, seguida do linfoma e os tumores do sistema nervioso central.

En termos xerais, a Unidade de Oncoloxía Pediátrica do hospital vigués atende a 150 menores das áreas sanitarias de Vigo e Ourense, a maioría en fase de seguimento en consulta (unha vez concluídos os seus tratamentos). Actualmente hai 20 pacientes recibindo quimioterapia e no hospital de día aténdese de forma ambulatoria a unha media diaria de 8 nenos.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...