InicioSucesosRatifican os 40 anos de cárcere para o home que asasinou á...

Ratifican os 40 anos de cárcere para o home que asasinou á súa irmá e a súa sobriña en Soutomaior

Os feitos remóntanse ao 21 de agosto de 2020 cando a súa irmá Genoveva e a súa sobriña Noelia acudiron á infravivenda na que habitaba o acusado para reclamarlle unha escaleira.

PUBLICADO O

O Tribunal Superior de Xustiza de Galicia (TSXG) desestimou o recurso de apelación e confirmou a condena de 40 anos e 2 meses de cárcere para Miguel G.R., por matar á súa irmá e a súa sobriña disparándolles cunha pistola, en agosto de 2020 en Soutomaior.

A defensa do procesado alegou, na vista celebrada o pasado 9 de xaneiro, que actuara en lexítima defensa e levado por un medo insuperable, xa que fora agredido pola súa irmá e a súa sobriña cando estas foron á súa casa a recuperar unha escaleira que o home tomara prestada.

Así mesmo, o condenado tamén pediu que se rebaixase a pena tendo en conta a atenuante de confesión, e pediu que a relación de parentesco coas vítimas se tomase como atenuante e non como agravante, debido á “malísima relación” coa súa irmá e a súa sobriña.

Na súa resolución, o alto tribunal galego desestima estes argumentos e expón, por unha banda, que non hai probas de que as vítimas o atacasen cunha aixada e un machete, xa que non se probou que os apeiros fosen delas e o acusado non tiña feridas compatibles coa suposta agresión.

Doutra banda, o TSXG ve correctamente aplicadas as agravantes de aleivosía e parentesco, e descarta que se poida rebaixar a pena por confesión, xa que Miguel G.R. escondeu a arma do crime e hai indicios de que manipulou a escena. Finalmente, determina que “non existe o mínimo indicio de que o acusado tivese padecido tal medo insuperable”.

FEITOS E CONDENA

Os feitos polos que foi xulgado este veciño de Soutomaior remóntanse ao 21 de agosto de 2020 cando, á primeira hora da tarde, a súa irmá Genoveva e a súa sobriña Noelia acudiron á infravivenda na que habitaba o acusado para reclamarlle unha escaleira.

Alí, o home colleu unha pistola automática de calibre 9 mm, para a que non tiña licenza, e disparou practicamente a pelacorpo ás vítimas, sen que tivesen posibilidade de defensa.

Miguel G.R. foi xulgado por un tribunal de xurado na sección quinta da Audiencia Provincial de Pontevedra (con sede en Vigo) en maio do ano pasado, e foi condenado a penas que suman 40 anos e 2 meses de cárcere, por dous asasinatos e un delito de tenencia ilícita de armas. A sentenza tamén lle impuxo indemnizacións que superaban os 257.000 euros a tres familiares das falecidas.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...