InicioSociedadeBaixan os casos activos pero aumentan os hospitalizados con Covid

Baixan os casos activos pero aumentan os hospitalizados con Covid

Seguen os falecidos pola pandemia na área de Vigo.

PUBLICADO O

Os pacientes hospitalizados pola Covid-19 en Galicia aumentan a 594, que supoñen 121 ingresados máis que os rexistrados o xoves pasado –o venres foi o último día en que a Xunta actualizou os datos da pandemia cos rexistros ata a tarde anterior–, mentres que os casos activos descenden a 11.567, que implican 1.318 menos, tras detectarse 2.306 novos contaxios nos últimos días.

Segundo os datos actualizados este luns pola Consellería de Sanidade, con rexistros ata as 18,00 horas do domingo, recollidos por Europa Press, ascenden a 21 os pacientes en UCI pola Covid-19 en Galicia –tres máis– e soben a 573 os hospitalizados noutras unidades –118 máis–, mentres que 10.973 pacientes atópanse en seguimento no seu domicilio. Hai unha semana, o luns 20 de xuño, había 497 ingresados, 14 deles en UCI.

Por áreas sanitarias, a presión hospitalaria aumenta nas sete. Así, na área sanitaria de Vigo mantéñense dúas persoas ingresadas pola Covid-19 en UCI e ascenden a 105 as hospitalizadas noutras unidades –12 máis–.

BAIXAN OS CASOS ACTIVOS

Os casos activos de Covid-19 inician esta semana cun descenso ao situarse en 11.567, que supoñen 1.318 menos que os rexistrados o xoves pasado –o venres actualizáronse os últimos datos con rexistros ata as 18,00 horas do día anterior–, ao haber máis altas (3.624) que novos contaxios (2.306). O descenso é xeneralizado nas sete áreas sanitarias galegas, coa Vigo á fronte (-336) que queda con 2.210 casos activos.

FALECIDOS

As vítimas da pandemia da Covid-19 en Galicia rexistradas na web do Sergas mantéñense en 3.569. Este luns Sanidade informou dos últimos falecementos por coronavirus rexistrados en Galicia, dous deles o pasado 21 de xuño: un home de 67 anos na área sanitaria de Vigo e unha muller de 91 na de Ferrol, ambos con patoloxías previas.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Deteñen en Vigo un home por agredir ao seu fillo de 13 anos cun cinto e unha botella de plástico

Un home, P.A.V.S. de 43 anos de idade, foi detido na tarde deste pasado...

Os traballadores de Vitrasa protestan durante o acto da Constitución e Caballero sae escoltado por Policía Nacional

Os traballadores de Vitrasa, concesionaria do bus urbano de Vigo, trasladaron este martes as...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...