InicioPolíticaEn Marea pide a retirada das sancións ás TCAE: "Son atacadas para...

En Marea pide a retirada das sancións ás TCAE: “Son atacadas para tapar as deficiencias na xestión”

PUBLICADO O

- Advertisement -

O grupo municipal da Marea de Vigo levará ao vindeiro Pleno, que se celebrará este mércores 18 de xullo, a moción que xa fora rexistrada no pasado mes, cando estallaba o conflito pola recollida dos sacos de roupa sucia no Hospital Álvaro Cunqueiro.

Nestas últimas semanas, o persoal TCAE (Auxiliares de Enfermería) ten levado a cabo unha serie de mobilizacións e xornadas de folga na defensa das súas condicións laborais.

Sindicatos e xerente
Xerente e sindicatos no hospital / Miguel Núñez

Mobilizacións que, para Marea de Vigo, son provocadas polas consecuencias do modelo privatizador da Sanidade. “Este conflito é unha evidencia máis do fracaso que supón este modelo de xestión, no que ademais se premia con altos beneficios ás empresas privadas a costa do conxunto da cidadanía, a través de elevadísimos custos pagados con cartos públicos” engade Marga L. Barreiro, concelleira do grupo municipal da Marea de Vigo.

Ante as accións e mobilizacións levadas a cabo polo persoal TCAE, a Dirección decidiu trasladar á inspección do SERGAS o estudo para a aplicación de sancións. Este feito, cualificado pola Marea de Vigo como unha ‘actitude impresentable’, “responde soamente á necesidade que ten a a xerencia do HAC en culpabilizar ás traballadoras cara á opinión pública para tapar as súas deficiencias” segundo explica Marga L. Barreiro, polo que, na moción que será defendida o vindeiro mércores, o grupo municipal instará á retirada destes expedientes sancionadores.

Bolsa roupano no Cumqueiro
Bolsas de roupa no Cunqueiro/ Miguel Núñez

“Estase tratando de enfrontar ao persoal das empresas privadas e ao persoal do SERGAS, cando o problema vén desde o momento no que se decide privatizar a xestión do Álvaro Cunqueiro a través dunha sociedade concesionaria, sociedade que, por certo, non deixa de obter beneficios ano tras ano, e sobre a cal semella que a Consellería de Sanidade non ten capacidade ao non ser quen de facer cumprir coas súas obrigas” conclúe Marga L. Barreiro.

ÚLTIMAS

A RFEF convida a Vigo a “traballar xuntos” para optar a ser sede no Mundial de 2030

A Real Federación Española de Fútbol (RFEF) convidou ao alcalde de Vigo, Abel Caballero,...

O acusado de asasinar a un okupa co que vivía di que non estaban enfadados e apunta a un cabreo con outro compañeiro

O acusado de asasinar a un okupa co que convivía en Vigo asegurou que...

O botulismo, causante da parálise en gaivotas segundo un estudo internacional, con participación do IEO de Vigo

n equipo científico internacional, con participación do Instituto Español de Oceanografía (IEO, CSIC), identificou o...

O BNG leva ao Congreso rexeitar a prolongación da A-52 e liberar a AP-9 como “alternativa máis sustentable”

O deputado do BNG no Congreso, Néstor Rego, defenderá este martes unha proposición non de lei...