O Concello de Arbo organiza o vindeiro 24 de xuño no Campo da Telleira de Arbo, coa colaboración da Sociedade de cazadores Santa Barbara das Neves- Arbo, a Feira de Cans, dende ás 9:00 horas ata ás 14:00horas, momento no que se fará entrega de trofeos aos mellores cans.

“Con este evento se pretende formentar esta modalidade deportiva e que contribúe á promoción turística e económica do municipio, sendo o único destas características que se celebra en este término municipal, e que esta tendo unha gran participación e aceptación por parte dos veciños do municipio de Arbo e dos limítrofes”, subliñan os organizadores.

Segundo remarcan, “este acto tamén busca a celebración de lecer e de reunión que favorece un intercambio cultural e social neste ámbito. Durante a xornada realízanse exposicións abertas ao público como exposición de cans de caza de diferentes razas, camadas de cans e rehalas, exposición de aves de cetrería e de ser posible algunha exhibición das mesmas, exposición e prácticas de tiro con arco, exhibición de cans de parada e cans de agility. Do mesmo xeito degústase xabaril gratuíto no recinto da Carballeira”.