InicioSen categorizarVÍDEO: Cata, niñún, faer, traio ou truita... As particularidades lingüísticas do Baixo...

VÍDEO: Cata, niñún, faer, traio ou truita… As particularidades lingüísticas do Baixo Miño

A rapazada do IES Antón Alonso Ríos de Tomiño recolle nun interesante vídeo as distintas formas de falar deste concello dentro do proxecto 21 Días co Galego.

PUBLICADO O

- Advertisement -

Desde mediados do mes de xaneiro e ata o 3 de febreiro, o alumnado do IES Antón Alonso Ríos, de Tomiño, participa na experiencia 21 Días co Galego e + como representante da provincia de Pontevedra.

Trátase dun programa educativo que ten dous obxectivos ambiciosos a nivel lingüístico. Dunha banda, procura o aumento de uso do galego como lingua de comunicación habitual, tanto en cantidade de tempo como de ámbitos de uso. Por outra, é unha experiencia de reflexión individual sobre a relación singular que cada participante ten coas linguas que coñece.

Durante estas tres semanas, 447 alumnas e alumnos da ESO e Bacharelato deste centro, xunto co alumnado do IES Francisco Daviña Rey de Monforte de Lemos, do IES Pontepedriña de Santiago de Compostela e mais do IES Otero Pedrayo de Ourense, desenvolverán actividades colectivas en relación coa lingua (recreacións audiovisuais de obras literarias galegas, traballos de campo sobre o uso do galego nas empresas da contorna, retransmisións deportivas…).

De feito, o IES Antón Alonso Ríos elaborou pequenas pezas audiovisuais para divulgar o labor cultural do grupo San Roquiño de Goián, as características dialectais máis salientables do lingua galega na zona ou a contribución do Serán da Debullada de Estás para manter vivos estes encontros ao redor da música tradicional.

Este é un deses interesantes vídeos que a rapazada de Tomiño fixo para dignificar as particularidades que tomiñeses e outros habitantes da zona do Baixo Miño usan ao falar en galego.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...