InicioPolíticaO ex conselleiro de Sanidade, que saíu pola porta de atrás, volve...

O ex conselleiro de Sanidade, que saíu pola porta de atrás, volve á batalla política local

A cúpula do PPdeG, encabezada polo líder autonómico, Alfonso Rueda, e pola secretaria xeral, Paula Prado, e tamén os principais dirixentes da formación provincial, desprazaranse na tarde deste mércores para arroupalo na súa presentación oficial.

PUBLICADO O

- Advertisement -

A cúpula do PPdeG, encabezada polo líder autonómico, Alfonso Rueda, e pola secretaria xeral, Paula Prado, e tamén os principais dirixentes da formación provincial, desprazaranse na tarde deste mércores a Baiona para facer oficial que o exconselleiro de Sanidade Jesús Vázquez Almuiña será o candidato na súa localidade natal nas próximas eleccións municipais.

Almuiña foi alcalde de Baiona durante máis dunha década, entre os anos 2004 e 2015. Deixou o posto para asumir, con Alberto Núñez Feijóo á fronte da Xunta, a Consellería de Sanidade.

Cinco anos despois, en setembro, tras as eleccións autonómicas de 2020 e a xestión da fase inicial da pandemia, Feijóo confirmou a súa substitución por Julio García Comesaña. Entón, o presidente confesou que fora o propio Almuiña o que pediu o recambio.

Apenas uns meses despois, o que agora, segundo fontes populares consultadas por Europa Press, volverá pugnar pola Alcaldía dunha localidade electoral clave no Val Miñortomou as rendas do Porto de Vigo (cargo no que substituíu a Enrique López Veiga e no que está na actualidade).

Tanto Rueda como Prado, así como o presidente do PP pontevedrés, Luís López, e a secretaria provincial, Luisa Piñeiro, acompañarán na tarde deste mércores a Almuiña na súa presentación como aspirante en Baiona, onde o PP foi desbancado nos últimos comicios de 2019 ao sumar o bloque da esquerda para conformar un goberno que dirixe o socialista Carlos Gómez, con BNG e Nós como socios.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...