InicioPolíticaCaballero anuncia 27 accións especiais no PXOM para mellorar e integrar zonas...

Caballero anuncia 27 accións especiais no PXOM para mellorar e integrar zonas deterioradas da cidade

O Plan Xeral de Ordenación Municipal irá a pleno para a súa aprobación inicial antes de final de agosto.

PUBLICADO O

- Advertisement -

O alcalde de Vigo, Abel Caballero, anunciou este martes en rolda de prensa que o novo Plan Xeral de Ordenación Municipal (PXOM), que irá a pleno para a súa aprobación inicial antes de final de agosto, contemplará 27 plans de actuación especial para preservar e integrar zonas deterioradas da cidade.

Segundo explicou o rexedor, a PXOM de 2008 (anulado polo Tribunal Supremo a finais de 2015) contemplaba, para eses núcleos, “arrasar” e “facer borrón e conta nova”, pero nesas zonas hai “vivendas dignas”, cuxos propietarios non poderían reiniciar as súas vidas cunha eventual indemnización. Por iso, explicou, o novo plan urbanístico prevé realizar melloras nesas contornas, para integralos no desenvolvemento urbanístico da cidade, mellorando a calidade de vida dos seus veciños.

Caballero incidiu en que non comparte a “filosofía” do anterior PXOM con respecto a eses barrios, e insistiu en desligarse do plan aprobado en pleno a finais de 2007 (cos votos favorables do seu partido, o PSOE e do BNG, e o voto contrario do PP) e ratificado en 2008 pola Xunta.

O alcalde sinalou que eses plans de actuación especial beneficiarán a “miles” de veciños de zonas como Canadelo, o barrio de Ribadavia, Riobóo, A Salgueira, Guixar, Ríos, Espiñeiro, Toural, Cambeses, Numancia, A Rola ou Ceboleira, entre outras.

ÚLTIMAS

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

A conexión mediante o Tren Celta a entre Vigo e O Porto volverá a funcionar a partir de decembro

O Eixo Atlántico informou de que o Tren Celta, que une as cidades de...