O Concello de Vigo presentará alegacións aos mapas estratéxicos de ruído da rede autonómica de estradas, sometidos a información pública pola Xunta, tras constatar a “falta” dun plan de acción de insonorización das que discorren polo termo municipal.

O alcalde, Abel Caballero, explicou que os mapas presentados polo Goberno galego inclúen as vías de titularidade autonómica que discorren polo concello — PO-324, PO-325, AG-57 e PO-52–, pero non “medidas correctoras” que se consideren “satisfactorias” para o seu paso por zonas poboadas.

Ante a falta dun plan de acción de insonorización e medidas de redución da velocidade de circulación e a regulación do tráfico pesado, indicou que se presentarán alegacións á documentación.

Deste xeito, Abel Caballero detallou que se busca que “a Xunta se aplique un pouco máis” e realice insonorizacións das vías da súa competencia que discorren polo termo municipal, o que representa unha “obriga”.