InicioPolíticaGalicia en Común presenta a lista en Vigo: "O PP deixounos sen...

Galicia en Común presenta a lista en Vigo: “O PP deixounos sen 54.000 postos de traballo”

PUBLICADO O

Galicia en Común-Anova Mareas vén de presentar este martes en Vigo a candidatura pola provincia de Pontevedra para as eleccións autonómicas do vindeiro 12 de xullo.

No acto, a número 1 da lista, Eva Solla, destacou a relevancia da cidade de Vigo como motor laboral e industrial da provincia, onde as taxas de paro son extremadamente elevadas. “O Goberno da Xunta do Partido Popular deixounos unha perda de 54.000 postos de traballo no conxunto do país. Esa realidade é anterior á crise do coronavirus e está estreitamente relacionada coa ausencia de políticas públicas de emprego», manifestou.

«O PP deixou de investir 135 millóns de euros en políticas de emprego, cartos que estaban nos orzamentos e non foron executados para crear emprego no noso país. Iso é unha auténtica desvergoña coa bolsa de pobreza que ten esta cidade e o conxunto do provincia”, suliñou

Podemos Galicia © Miguel Nuñez

“A Galicia que imos construír e pola que estamos dispostas a traballar a partir do día 12 de xullo é unha Galicia que non deixa a ninguén atrás” afirmou a cabeza de lista pola provincia. “Precisamos políticas activas de emprego», reafirmou Solla.

No acto participaron outros membros da lista como Iria Figueroa e Marcos Cal, números un, dous e tres da lista provincial, e no que estiveron arroupados polos concelleiros da Marea de Vigo, Rubén Pérez e Oriana Méndez.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...