O presidente de Vox, Santiago Abascal, anunciou este sábado que o seu partido non vai acudir á homenaxe ás vítimas da pandemia da COVID-19, convocado para o próximo 16 de xullo, por consideralo “unha cerimonia exculpatoria” dun Goberno “criminal”.

Durante un mitin de precampaña en Vigo para as eleccións galegas do 12 de xullo, o presidente do partido acusou ao Executivo de Pedro Sánchez de utilizar ás vítimas como “escusa” para celebrar esta “exculpación” da súa xestión, que se caracteriza por “ocultar a cifra real” de falecidos.

Ademais, Abascal afeou ao Goberno de “usurpar as funcións da súa Maxestade”, quen é quen debe convocar un acto destas características, segundo explicou.