O candidato á Presidencia da Xunta pola coalición Galicia En Común-Anova Mareas, Antón Gómez-Reino, instou ao titular do Goberno galego, Alberto Núñez Feijóo, a cesar ao presidente do Autoridade Portuaria de Vigo, Enrique López Veiga, por “levar meses bloquendo a posibilidade de reactivar a actividade” dos estaleiros de Vulcano nos portos de Guixar, en Vigo.

O cabeza da lista da coalición de Podemos, Esquerda Unida, Anova e as mareas de Santiago e A Coruña visitou este venres a cidade olívica para reunirse, acompañado polas ocupantes dos dous primeiros postos da lista por Pontevedra, Eva Solla e Iria Figueroa; co comité de empresa de Vulcano, que acusa a López Veiga de plantar cara á posiblidade de que as instalacións do estaleiro poidan manter actividade.

Gómez-Reino lamentou que o titular da Autoridade Portuaria de Vigo –órgano dependente da Xunta– manteña “unha actitude obstaculizadora que pon en perigo o mantemento de decenas de postos de traballo”, á vez que se comprometeu a “garantir que nos terreos de Vulcano póidanse construír barcos” se Galicia en Común asume tarefas de goberno tras as eleccións do 12 de xullo.

Pola súa banda, a cabeza de lista da coalición por Pontevedra e coordinadora nacional de Esquerda Unida, Eva Solla, lamentou que durante o seu once anos á fronte da Xunta, o presidente Feijóo “non só non fixo nada por apoiar ao sector naval de Vigo, senón que puxo en perigo a súa continuidade”.

Neste sentido, lembrou que a “errada operación” para “reflotar” o estaleiro Fillos de J. Barreras a través dos acordos a petroleira mexicana Pemex, “cuxa deriva xudicial está todoavía por resolver tras a detención e procesamiento por corrupción” de varios executivos da compañía azteca

A continuación, tamén se referiu a a “negativa” a prestar “calquera apoio” desde a Administración autonómica “á viabilidade” de Vulcano, o que, segundo Solla, resultou na “perda de 300 empregos durante os últimos anos pola actitude irresponsable e desleal de Feijóo”.