Sorpresa e indignación pola aparición de máis de 10.000 globos verdes nas principais cidades galegas baixo o cancelo #GaliciaÉverde
“Centenares de gallegos han adornado esta noche los lugares más emblemáticos de las principales ciudades de nuestra comunidad, que amanecerán hoy adornadas con más de 10.000 globos. Pronto desvelaremos más detalles.“
En paralelo a este comunicado, as redes fixéronse eco das imaxes pero nun sentido non positivo se non de indignación pola contaminación que estes 10.000 globos supoñen para o medioambiente, e que coa chegada da borrasca que mantén en alerta amarela por vento as provincias de A Coruña e Lugo, moitos deles terminarán polo chan ou flotando no mar.
Desde a formación política non aclaran se se farán cargo de retiralos unha vez finalizado o acto de campaña en Mos
O galego, pero só como reclamo electoral
O material publicitario de VOX utiliza o cancelo #GaliciaÉverde en galego, pero no resto da súa campaña, nin rasto do idioma propio de Galicia, salvo nas verbas da aboa de Santiago Abascal dirixíndose en galego ao propio presidente da formación, nun video lanzado ao público asistente ao mitín da formación política.
Galicia un “apartheid lingüístico”. O partido de extrema dereita presentaba o pasado mes de febreiro unha proposición non de lei no Congreso dos Deputados para, segundo din, garantir a “obligación” de todos os españois de coñecer o castelán sobre todo nos “territorios que cuenten con otra lengua cooficial”.
