InicioPolíticaAbel Caballero proclama que Vigo "queda para sempre" co Lagares "por inacción...

Abel Caballero proclama que Vigo “queda para sempre” co Lagares “por inacción da Xunta”, que “o ten abandonado”

O alcalde insiste en que a limpeza e mantemento do río corresponde ao Hoberno galego, malia que o Plan Hidrolóxico Nacional e diversa xurisprudencia establecen que é responsabilidade da administración local.

PUBLICADO O

O alcalde de Vigo, Abel Caballero, proclamou este xoves que a cidade “queda para sempre” co río Lagares, “por inacción da Xunta” que “o ten abandonado”, e confirmou que a Xunta de Goberno deu luz verde ao expediente para contratar a limpeza de 17 quilómetros da canle, por 112.000 euros.

O rexedor insistiu en que a limpeza e mantemento do río corresponde ao goberno galego, a pesar de que o Plan Hidrolóxico Nacional e diversa xurisprudencia establecen que son as administracións locais as encargadas do mantemento dos tramos urbanos dos ríos.

Así, tras confirmar que o Concello limpará eses 17 quilómetros de canle, Abel Caballero proclamou: “Quedamos o Lagares para sempre, e dános igual o que diga Feijóo”.

O alcalde reiterou que o río “o ten que limpar a Xunta” pero que esta “se desentende”, por iso farao o Concello. “Nin sequera imos pedir permiso, farémolo por inacción da Xunta, porque está sucísimo”, constatou.

RECLAMACIÓN DE GASTOS

Por outra banda, Caballero confirmou que o seu goberno enviou unha carta ao Executivo galego para reclamarlle o pago de 1,7 millóns de euros, correspondentes ao gasto social desembolsado polo Concello de Vigo en axudas desde o inicio da pandemia de coronavirus.

Segundo o rexedor, o Goberno “deulle á Xunta 20 millóns de euros” para gasto social e a administración autonómica non transferiu nada ao Concello de Vigo.

“Nos escamotean 1,7 millóns”, denunciou Abel Caballero, quen avanzou que, ademais dese gasto, tamén reclamará á Xunta que lle pague 685.000 euros, que foi o gasto en desinfección de rúas. “Non teñen intención de pagar, isto é outra vez Feijóo quedándose co diñeiro de Vigo”, lamentou.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...