Gonzalo Caballero, secretario xeral do PSdeG, acusou ao presidente da Xunta, Alberto Núñez Fejióo, de pór o “aparello da Xunta a disposición do Partido Popular” para tentar “salvar os mobles” en futuras convocatorias electorais.

“Feijóo está moi asustado porque sabe que en todas as cidades os galegos dixéronlle que non e, por tanto, busca distintas opeacións mediáticas para poder salvar os mobles electorais cando non lle dan os votos”, asegurou en referencia aos resultados dos comicios xerais, municipais e europeos.

Tras iso, subliñou que Corina Porro “non é a delegada da Xunta en Vigo” senón que é “a delegada de Fejióo en Vigo”. “A señora Porro nunca defendeu os intereses da cidadanía de Vigo, nunca se opuxo a Feijóo para defender a Vigo contra as políticas de privatización da sanidade, contra as políticas de falta de investimento en Vigo”, apuntou.

Fronte a iso, asegurou que “a mellor forma de que Vigo conte para a Xunta é cambiar a un presidente que foi un gran inimigo de Vigo e dos intereses da cidadanía viguesa”. Toda a información en Galicia Confidencial.