InicioPolíticaAna Pastor: "O PP traballa moito por Vigo"

Ana Pastor: “O PP traballa moito por Vigo”

Insiste en que o seu partido é "de centro".

PUBLICADO O

- Advertisement -

A candidata do PP ao Congreso pola provincia de Pontevedra, Ana Pastor, apelou este luns aos indecisos para que apoien as listas ‘populares’ o próximo 28 de abril: “Que saiban que neste partido poden confiar, somos un partido de centro, que representa á inmensa maioría da xente”.

Así o manifestou, en declaracións aos medios, antes de participar nunha reunión con representantes do sector turístico e do comercio en Vigo.

Preguntada polas sondaxes que prognostican a perda de dous escanos en Galicia por parte do PP, Ana Pastor sinalou que o seu partido le as enquisas “con toda humildade” e que eses prognósticos lles fan “loitar aínda máis”. “O importante é que os cidadáns saiban que teñen un partido no que confiar. Temos experiencia, traballamos moito por Vigo e por Pontevedra, e pedímoslles que depositen o seu voto. Esa é a enquisa que nos interesa”, proclamou.

Segundo incidiu a candidata, o PP é un “partido de centro”, que “representa á maioría da xente“, e aínda que pode ter “moitos defectos”, a xente “coñéceo ben”. “Hai candidatos aos que non se lles coñece, con todo respecto. Son todos benvidos, e máis se fan un pouco de turismo e promociónannos Galicia”, chanceou Ana Pastor.

A candidata do PP ao Congreso lembrou que, se Vigo conta cunha estación do AVE, cun aeroporto ampliado, ou con bonificacións nas viaxes da AP-9 entre a cidade e Pontevedra, foi grazas a gobernos do seu partido.

Pastor fixo estas reflexións antes de participar nun encontro cos sectores do turismo e o comercio, aos que trasladou as propostas do seu partido neses ámbitos: baixar impostos para reactivar o consumo; supresión de taxas “inxustas” como o imposto de sucesións ou o de patrimonio; reducir ao mínimo o IBI aos comerciantes; ou reformar a ‘lei de segunda oportunidade’.

ÚLTIMAS

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...

Empregados de Benteler lamentan a “política de medo” dun superior que xera “problemas graves de saúde” a compañeiros

Traballadores da empresa auxilar do sector automobilístico Benteler criticaron a "política do medo" levada a cabo, ao...

Abel Caballero critica as palabras de José López sobre as Cíes: “Ou ten ignorancia absoluta sobre patrimonios mundiais ou mala fe”

O alcalde de Vigo, Abel Caballero, criticou este xoves as palabras do conselleiro de Cultura,...

En “breve” a Xunta, Zona Franca e Concello de Vigo asinarán o convenio para crear un parking na ETEA

A Xunta de Galicia, a Zona Franca de Vigo e o Concello asinarán "pronto"...