O Concello de Vigo saíu ao paso das acusacións do partido de ultradereita Vox, ao que acusa de buscar “notoriedade” coa súa denuncia de que este consistorio lle puxo trabas para instalar unha mesa informativa.

O Goberno local subliña que a solicitude de Vox “está en prazo de contestación”, pois conta con rexistro de entrada do 27 de febreiro e o período de resposta é de dez días. E dirá que si a condición de que a formación política cumpra a normativa.

Sobre a resolución, sinala que “non é esta unha decisión política, senón dos técnicos da Concellería de Seguridade” de Vigo e incide na lexislación vixente do réxime electoral para concluír que “se esta forza política cumpre a normativa obterá a autorización correspondente”.