Os líderes nacional e galego do PP, Pablo Casado e Alberto Núñez Feijóo, serán os protagonistas da próxima cita de #forosvigo, que organiza o partido na cidade olívica. Alí falarán sobre unha cuestión “que preocupa aos vigueses e aos españois”, como é “a unidade de España”.

Así o confirmou este martes a presidenta local do PP, Elena Muñoz, quen lembrou que este é o segundo encontro desa iniciativa impulsada polos ‘populares’ vigueses, un proxecto inaugurado o pasado 30 de xaneiro coa charla ofrecida por Adolfo Suárez Illana sobre os 40 anos da Constitución.

Segundo sinalou Muñoz, este encontro (que terá lugar o xoves ás 18.45 horas na sede do Real Club Celta en Príncipe) versará sobre unha cuestión que “preocupa” aos españois, “como se viu na manifestación do domingo en Madrid”.