InicioPolíticaBNG reclamará no pleno "compromisos reais" para mellorar os servizos ferroviarios e...

BNG reclamará no pleno “compromisos reais” para mellorar os servizos ferroviarios e axilizar o saída sur

Segundo sostivo o portavoz do grupo nacionalista, Xabier Pérez Iglesias,

PUBLICADO O

- Advertisement -

O grupo municipal do BNG no Concello de Vigo defenderá unha moción no próximo pleno ordinario, que se celebra o luns, para reclamar “compromisos reais” tanto do goberno local como da Xunta e do Goberno central, para mellorar os servizos ferroviarios de media distancia e axilizar a chamada saída sur.

Os nacionalistas tamén pedirán a posta en marcha dunha rede de proximidade, o aumento de frecuencias do Tren Celta (Vigo-O Porto), a creación dun xestor autonómico ferroviario, e a mellora da conexión, a nivel urbano, entre as estacións de Guixar e Urzáiz.

O portavoz do grupo nacionalista, Xabier Pérez Iglesias, denunciou os “importantes e históricos déficits que ten a conexión por tren da maior cidade de Galicia”, e reclamou máis frecuencias e prazas nos trens de media distancia, “con garantías de puntualidade e horarios adecuados”.

Igualmente, lamentou os “escasos avances” para a materialización do saída sur de alta velocidade, e urxiu un “compromiso real en termos orzamentarios” que permita a posta en marcha desta infraestrutura no horizonte de 2030. Mentres non se faga realidade, apostou por aumentar as frecuencias do Tren Celta.

Pérez Iglesias defendeu tamén a necesidade de implantar unha rede de proximidade que conecte Vigo con Pontevedra (cara ao norte) e con Tui (cara ao sur), e lembrou o compromiso do Goberno no acordo de investidura, de licitar o estudo para a posta en marcha deste servizo.

Á Xunta, o BNG reclámalle a creación dun xestor ferroviario propio, ‘Galtren’, que xestione servizos de media distancia e de proximidade, e pide ao goberno galego que negocio a transferencia a Galicia da devandita xestión, ademais de licitar un estudo e pór en marcha un anteproxecto de lei para a creación dese ente xestor.

Finalmente, advirte ao Concello de Vigo de que a conexión entre as dúas estacións de trens da cidade “non se resolveu” coa posta en servizo do ascensor Halo, polo que reclama unha liña lanzadeira que comunique as terminais de Guixar e Urzáiz, adaptada ás frecuencias dos trens.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...