InicioPolíticaCaballero advirte a Rueda de que "con quen ten que asinar a...

Caballero advirte a Rueda de que “con quen ten que asinar a prioridade do AVE Vigo-O Porto é con Ayuso”

O alcalde de Vigo asegura que foi a presidenta da Comunidade de Madrid quen defendeu que se priorizase a conexión Madrid-Lisboa, mentres Rueda quedaba "calado".

PUBLICADO O

- Advertisement -

O alcalde de Vigo, Abel Caballero, volveu a referirse este mércores á viaxe realizada nas últimas horas por Alfonso Rueda a Valença, para asinar un manifesto en defensa do AVE Vigo-O Porto, e advertiu de que o presidente da Xunta “con quen ten que asinar a prioridade Vigo-O Porto é con Ayuso”, que foi quen defendeu que se priorizase a conexión Madrid-Lisboa, mentres Rueda quedaba “calado”.

Nunhas declaracións remitidas aos medios, o rexedor olívico reiterou que “está ben” que o presidente da Xunta asinase un manifesto para defender a conexión entre Vigo e O Porto co presidente da Comisión de Coordinación e Desenvolvemento Rexional do Norte (CCDR-N) de Portugal, Antonio Cunha, pero reiterou que “chega 4 anos tarde”. Segundo insistiu o alcalde de Vigo, esa conexión ferroviaria de alta velocidade está xa “asinada, refirmada, acordada e priorizada”, por tanto, todo está “garantido”.

Por iso, reiterou que Rueda debería asinar ese manifesto coa presidenta da Comunidade de Madrid, de quen lembrou que, en campaña electoral das galegas, estivo en Vigo para “insultar ao alcalde” por defender ese AVE ao Porto. “E Rueda quedou calado, non defendeu Vigo, coa presidenta de Madrid diante dicindo que a prioridade era o AVE Madrid-Lisboa”, proclamou o alcalde, quen apuntou que a firma deste martes en Valença por parte de Rueda está “desautorizada” polo seu “vergoñoso silencio” ante as manifestacións de Isabel Díaz Ayuso.

ÚLTIMAS

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...