Unha nova protesta de traballadores de Vitrasa, a concesionaria municipal do Concello de Vigo, obrigou a suspender o pleno local deste luns durante un dez minutos. Como vén sendo habitual, empregados de Vitrasa asistiron como público ao salón e, nun momento dado, cando o alcalde, Abel Caballero, tomou a palabra, levantáronse e comezaron coa súa reivindicación.

Con todo, nesta ocasión, Caballero suspendeu o pleno de forma ‘ipso facta’, sen chamarlles a atención nin pedirlles que estivesen en silencio, como adoita ser habitual, abandonando o rexedor a sala.

A pesar de todo, os traballadores da concesionaria continuaron durante uns minutos gritando, lamentando a “covardía” de Caballero por “non dignarse a escoitar”. “Vitrasa é un servizo público. Debería ser de calidade, pero non é de calidade”, subliñaron, mentres criticaban que concelleiras abandonasen tamén o pleno.

“A responsabilidade é do Concello de Vigo”, engadiron, indicando que “non lles gusta vir suspender o pleno” e solicitando que “alguén os reciba e os escoite”, apuntando directamente cara a Abel Caballero, por ser o “responsable primeiro do servizo do transporte público”.

Tamén falaron do suposto reequilibro económico que prepara o Concello para Vitrasa, “sospeitando” do mesmo xa que o goberno local nunca ensinou ningún documento respecto diso, a pesar das reiteradas peticións da oposición e mesmo da Valedora do Pobo. “Se ninguén ten nada que ocultar, por que non se vai a ensinar?”, destacaron.