InicioPolíticaA ex secretaria de Estado de Economia con Rajoy, número dous da...

A ex secretaria de Estado de Economia con Rajoy, número dous da lista do PP en Vigo

Irene Garrido Valenzuela é curmá da nai do presidente da Xunta, Alfonso Rueda.

PUBLICADO O

A exsecretaria de Estado de Economía co goberno de Rajoy, Irene Garrido Valenzuela, foi presentada este mércores como número 2 da candidatura que encabeza Marta Fernández-Tapias polo PP para optar á Alcaldía de Vigo. 

Garrido, doutora en Ciencias Económicas e Empresariais e profesora de Economía Financeira e Contabilidade na Universidade de Vigo, foi deputada no Congreso entre 2011 e 2019, e secretaria de Estado de Economía entre 2016 e 2018. Actualmente forma parte da dirección do PP na cidade olívica. É curmá da nai do presidente da Xunta, Alfonso Rueda.

Nunha rolda de prensa este mércores, agradeceu a confianza do seu partido e da candidata, e afirmou que aceptou ir na lista electoral porque “é o momento”, coñece a situación da cidade, e aposta por formar parte dunha “representación útil, lonxe de populismos”. Así mesmo, eloxiou a Marta Fernández-Tapias, de quen destacou os seus “valores”, o seu “duro traballo” e o seu “inconformismo”. “Valora unha esencia fundamental de Vigo, que é a economía e a industria”, engadiu.

“ALGO NOVO QUE OFRECER”

Pola súa banda, a candidata á Alcaldía, puxo en valor a experiencia de Irene Garrido, e lembrou que o seu proxecto para Vigo “mira pola economía”, nunha cidade “cansa de anécdotas” e que quere un goberno local “que se preocupe do que de verdade importa, das cousas para comer, do emprego”.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...