InicioSociedadeMáis de 300.000 euros para a posta en valor do castro de...

Máis de 300.000 euros para a posta en valor do castro de Montealegre en Moañ

Tamén se traballará sobre os petróglifos existentes e acondicionarase un camiño de acceso, coa plantación de especies autóctonas, e construiranse dous portais de entrada para peóns.

PUBLICADO O

- Advertisement -

A Xunta de Galicia publicou este luns a licitación, por 320.000 euros, das obras para a posta en valor do castro de Montealegre, un conxunto arqueolóxico situado na parroquia de Domaio, en Moaña.

As actuacións inclúen labores de limpeza, reexcavación arqueolóxica, consolidación e restauración das estruturas, documentación e limpeza de petróglifos, e acondicionamento e sinalización dos accesos.

Os primeiros traballos neste conxunto protexido (incluído no Catálogo de Patrimonio Cultural de Galicia) realizáronse entre 1925 e 1926, por un equipo dirixido por Antón Losada Diéguez. Posteriormente, con motivo da construción do Corredor do Morrazo, volveuse a intervir neste conxunto, con sondaxes e escavacións realizadas en 2004.

Entre 2016 e 2017 realizáronse novas actuacións, debido ao desdobramento do corredor para convertelo nunha autovía. Os traballos permitiron conservar ‘in situ’ a totalidade dos restos pero só se fixeron actuacións puntuais de conservación, polo que algunhas estruturas presentan problemas de estabilidade.

Por iso, coa licitación publicada este luns, preténdese abordar un estudo previo da zona (no que se revisará a documentación bibliográfica e documental das escavacións anteriores), para redactar o proxecto de posta en valor, que inclúe a reexcavación, limpeza e retirada de vexetación.

Tamén se traballará sobre os petróglifos existentes e acondicionarase un camiño de acceso, coa plantación de especies autóctonas, e construiranse dous portais de entrada para peóns.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...