InicioMedio Ambiente e PatrimonioCatro praias de Bueu conseguen a bandeira azul un ano máis

Catro praias de Bueu conseguen a bandeira azul un ano máis

PUBLICADO O

A Asociación de Educación Ambiental e do Consumidor (ADEAC) vén de anunciar as
bandeiras azuis para os areais de España durante este verán. Así, o Concello de Bueu mantén as catro bandeiras azuis nas praias de Area de Bon, Portomaior, Lagos e Lapamán, nas que se valoraron a calidade das augas, a información e educación ambiental, a seguridade, os servizos e as instalacións.

Ademais, a vila morracense consegue o distintivo azul para o sendeiro de Cabo Udra e a Aula da Natureza deste espazo, así como para o Centro de Interpretación de Agrelo, inaugurado a finais de 2015 tras ser rehabilitado polo goberno municipal.

O municipio bueués recolle un ano máis os froitos das diversas obras e xestións que se
levan realizando para manter este distintivo que concede a ADEAC como un premio aos
concellos que realicen unha labor importante no mantemento e acondicionamento do
patrimonio natural. Neste senso, a concelleira de Turismo e Promoción Económica,
Silvia Carballo, resalta que “conseguimos todas as candidaturas que pretendemos”.

Ademais, destaca a satisfacción “por lograr un ano máis revalidar estes distintivos tras o
bo traballo e esforzo de veráns pasados na totalidade dos areais”. Con eles, o goberno
local agarda ir afianzando un modelo de turismo sostible, que aposte polos recursos
naturais, tal e como reflicte o Centro de Udra, que recibe visitas ao longo de todo o ano,
por parte de colexios e diversos colectivos que queren coñecer a fauna e flora e a cultura
da nosa contorna.

Por último, a edil lembra que estes distintivos son unha mostra do bo estado das praias,
non só das de Bandeira Azul, senón tamén das restantes, nas que “agardamos seguir
mellorando e implementando servizos”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...