A chegada a Vigo do “Kate Tenacity”, da Flotilla da Liberdade cara a Gaza, foi aprazada debido a unha avaría no barco, segundo informou a organización.

Esta incidencia obrigou a deter a nave no porto de Santander para a súa reparación, informaron, aínda que sinalaron que, malia non haber actos de recepción en Vigo, se manteñen os actos solidarios porque a intención é expresar a solidariedade co pobo palestino.

O barco da Flotilla da Liberdade agarda poder retomar a navegación nos vindeiros días rumbo a Gaza “para romper o bloqueo da Franxa, denunciar a ocupación de Palestina, a limpeza étnica e o xenocidio”.