InicioMovementos SociaisBanco de Alimentos de Vigo recada 49.000 quilos de comida durante a...

Banco de Alimentos de Vigo recada 49.000 quilos de comida durante a Operación Quilo Primavera

PUBLICADO O

A Fundación Provincial Banco de Alimentos de Vigo recadou uns 49.000 quilos de comida durante a Operación Quilo Primavera levada a cabo entre os días 2 e 3 de xuño. Tal como informou a organización, nesta acción solidaria participaron máis de 200 voluntarios na provincia de Pontevedra que estiveron repartidos por supermercados Carrefour ou Alcampo de Vigo, Pontevedra, Lalín e Vilagarcía.

Pola súa banda, outras cadeas como Mercadona ou Día optaron só por recibir doazóns monetarias, sen presenza de voluntarios. Neste caso, estas cantidades transfírense a Banco de Alimentos para comprar comida.

En concreto, máis de 23.000 quilos foron recollidos de forma física e o resto, ata lograr os 49.000 quilos, foron doazóns económicas. Banco de Alimentos indicou que esta foi a primeira Operación Quilo Primavera, pero será unha campaña que chega “para quedar”.

A Fundación agradeceu a todos os doantes o seu esforzo a pesar dos actuais tempos de inflación e alza dos prezos da comida, así como aos voluntarios que cada ano axudan nas recollidas.

ÚLTIMAS

Os equipos de emerxencias auxilian aos dous ocupantes dun turismo tras saírse da vía na AP-9, a altura da parroquia viguesa de Cabral

Os dous ocupantes dun turismo foron auxiliados polos equipos de emerxencia tras saírse da...

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...