O Concello de Salvaterra organiza o próximo 15 e 16 de setembro a súa 3ª Feira – exposición Internacional de Orquideas no Parque Público A Canuda. A feira abrirá o día 15 ás 11 horas da mañá, e contará ese mesmo día coa actuación da Banda de Gaitas Pontenova (12.00 H), e cunha conferencia sobre “O Cultivo de Cattleya” e un concerto acústico ás 17 e 19 horas da tarde respectivamente.

Ás 19.30 sortearanse orquídeas entre os visitantes, e media hora despois pechará a feira ata as 11 do domingo. Antes do peche final da feira no seu segundo e último día, ás 19.00 horas, haberá un último sorteo ás 18:30, concertos ás 12.00 e 18.00 e unha nova conferencia ás 16:30.

As orquídeas son fermosas flores que deben ser mantidas con luz abundante, mais non directa do Sol, humidade ambiental superior ao 40%, e temperaturas entre 17 e 23º, nunca inferiores de 10º nin por riba de 30º.

Recoméndanse recipientes transparentes, e non empregar nunca terra vexetal.