InicioMedio Ambiente e PatrimonioA Edar do Lagares, das máis contaminantes do Estado

A Edar do Lagares, das máis contaminantes do Estado

A Asociación Arco Iris solicitou por escrito á Xunta de Galicia que se dean explicacións "á vista da enorme desproporción que existe entre a carga contaminante da EDAR de Lagares

PUBLICADO O

A estación depuradora de augas residuais (EDAR) de Lagares, en Vigo, está á cabeza das entidades que contaminan a auga en toda España, ao ser responsable do 17,6% das emisións, segundo os datos dun informe emitido polo Ministerio para a Transición Ecolóxica e o Reto Demográfico (Miteco).

Nesta liña, o Rexistro Estatal de Emisións e Fontes Contaminantes (PRTR), que recolle os datos do ano 2021, indica que Galicia é a segunda comunidade autónoma que máis sustancias contaminantes na auga emite –tan só por detrás de Cataluña– co 18,86% do total.

Deste xeito, a EDAR de Lagares emite cada ano, segundo os datos, 246.151 toneladas contaminantes, o que a sitúa como a instalación máis contaminante de todo o Estado, non só por encima do resto de depuradoras, senón tamén das industrias que tamén aparecen recollidas no informe.

Ademais, estas emisións comprenden o 93,48% das sustancias daniñas para a auga en Galicia. Os datos sobre contaminacións á auga indican que en Galicia, a seguinte entidade máis contaminante é a EDAR de Bens con 6.893 toneladas ao ano.

Así mesmo, o informe sinala que Galicia emite o 5,85% das sustancias contaminantes atmosféricas. O ciclo combinado das Pontes e a Refinaría coruñesa son as industrias que máis contaminan, sumando entre ambas as 1.565.708 toneladas anuais.

Os datos do Miteco reflicten que as sustancias contaminantes totais á auga e á atmosfera en Galicia, situáronse en 2021 nas 5.008.649 toneladas, o que supón un 0,5% menos que en 2020 e un 30% menos que en 2012, os primeiros datos recolleitos.

DENUNCIA DA ASOCIACIÓN ARCO IRIS

Nesta liña, a Asociación Arco Iris solicitou por escrito á Xunta de Galicia que se dean explicacións “á vista da enorme desproporción que existe entre a carga contaminante da EDAR de Lagares e as que a seguen na listaxe do informe”.

Arco Iris explicou nun comunicado que “semellante despropósito” merece explicacións dos responsables de “esta obsoleta instalación”. Así, piden que se revise o Plan de Control de Verteduras (PCV) da Xunta.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...