InicioMedio Ambiente e PatrimonioO incendio sen control que ameaza casas en Arbo dispárase ás 230...

O incendio sen control que ameaza casas en Arbo dispárase ás 230 hectáreas queimadas

É o lume máis grande activo en Galicia.

PUBLICADO O

O incendio forestal activo no municipio de Arbo avanza sen control e xa queima 230 hectáreas, segundo a última estimación provisional de Medio Rural na tarde deste sábado. O lume obrigou a activar a situación 2 de alerta por proximidade do incendio a un núcleo de vivendas da parroquia das Searas.

O lume iniciouse ás 3,17 horas da madrugada deste sábado na parroquia de Mourentán. No lugar traballaron nove helicópteros, oito avións, 21 motobombas, catro pas, 30 brigadas, nove axentes e tres técnicos. Tamén se solicitou a colaboración da Unidade Militar de Emerxencias (UME).

En declaracións a Europa Press, o alcalde do municipio, Horacio Gil, asegurou que as condicións meteorolóxicas son “moi adversas” con “moito vento e altas temperaturas”. Ademais, o rexedor sinalaba que estaban a aparecer focos en distintos puntos “seguramente polo efecto do vento”. Así mesmo, o rexedor informaba que no momento da activación da Situación 2 aínda non fora necesario evacuar aos veciños da parroquia das Searas, onde o lume se atopa máis próximo.

CONTROLADO O DE OÍMBRA

Pola súa banda, o novo lume que afecta o municipio ourensán de Oímbra, parroquia homónima, foi controlado ás 16,40 horas desta tarde de sábado. A superficie arrasada é de 25,5 hectáreas.

O outro lume principal que afecta nestes momentos a Galicia é o de Castrelo de Miño, parroquia de Barral, que queima unhas 200 hectáreas. Está controlado desde a mañá deste sábado.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...