InicioMedio Ambiente e PatrimonioA lombriga de terra leonesa, na lista de especies en perigo de...

A lombriga de terra leonesa, na lista de especies en perigo de extinción grazas a un estudo da UVigo

"Aínda que a abundancia da especie nas catro poboacións coñecidas é elevada, calquera delas podería desaparecer dunha tacada se se modifica o seu hábitat", explica o documento.

PUBLICADO O

A lombriga de terra leonesa (Compostelandrilus cyaneus) foi situada dentro da lista vermella da Unión Internacional para a Conservación da Natureza como unha especie en perigo crítico de extinción tras os resultados dun estudo levado a cabo por investigadores da Universidade de Vigo (UVigo).

Tal como recolle o Diario da Universidade de Vigo (Duvi), esta especie endémica que só habita na contorna de San Miguel de Escalada, na provincia de León, proporciona importantes servizos ecosistémicos, como a mellora da fertilidade, da estrutura e da infiltración da auga nos chans.

Por iso, púxose en marcha un estudo polos investigadores Jorge Domínguez, do grupo de Ecoloxía Animal, e Daniel Fernández, da Université de Montpellier, pero que ata o ano pasado era investigador coas axudas Juan da Cerva tamén na UVigo.

“O que queriamos saber é se estas especies ou outras similares se atopaban nos ocos entre esas localidades e comprobar como de pouco frecuentes son. Debido a que só habitan en zonas naturais que están en diminución pola acción do home, preocupábanos que puidesen desaparecer”, indicou Fernández.

Por iso, o documento explica que “aínda que a abundancia da especie nas catro poboacións coñecidas é elevada, calquera delas podería desaparecer dunha tacada se se modifica o seu hábitat“, polo que foi catalogada como especie en perigo crítico de extinción.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...