InicioMedio Ambiente e PatrimonioO novo plan reitor do Parque Natural Monte Aloia entrará en vigor...

O novo plan reitor do Parque Natural Monte Aloia entrará en vigor o 14 de marzo

O Diario Oficial de Galicia (DOG) publica este luns a aprobación do novo Plan Reitor de Uso e Xestión (PRUX) do Parque Natural Monte Aloia, un instrumento de ordenación específico que entrará en vigor o 14 de marzo.

PUBLICADO O

- Advertisement -

O Diario Oficial de Galicia (DOG) publica este luns a aprobación do novo Plan Reitor de Uso e Xestión (PRUX) do Parque Natural Monte Aloia, un instrumento de ordenación específico que entrará en vigor o 14 de marzo.

Nun comunicado, a Consellería de Medio Ambiente destacou que o texto detalla os obxectivos e criterios principais a seguir á hora de xestionar os distintos aproveitamentos, tanto públicos como privados, deste espazo.

Cunha vixencia mínima de 10 anos, este é o segundo PRUX do Monte Aloia xa que o anterior foi aprobado en 2009. O Goberno galego sinalou que responde así á necesidade de dotar a este espazo dun instrumento de xestión propio, moderno e actualizado que desenvolva as directrices recollidas no seu Plan de Ordenación de Recursos Naturais (PRON) e que estableza, á vez, as previsións de actuación da Administración dentro do seu ámbito.

Con todo, a Xunta sinalou que o novo documento non fixa novas limitacións nin é máis restritivo que o PORN aprobado en 2001. Neste sentido, indicou que, ante todo, busca clarificar e sistematizar a normativa existente co fin de contar cunha regulación única que compatibilice cada un dos usos permitidos coa conservación da biodiversidade deste espazo.

O departamento que dirixe Ángeles Vázquez destacou que a aprobación deste documento enmárcase no proceso de actualización normativa impulsado pola Xunta nos últimos anos co fin de dotar ao seis parques naturais que existen en Galicia dunha folla de ruta específica e adaptada ás súas necesidades e características particulares.

Así, Medio Ambiente lembrou que os PRUX son ferramentas de ordenación nas que se detallan os obxectivos e as pautas de xestión que rexen en cada espazo natural por un período de tempo limitado. Á vez, protexen e regulan os usos e aproveitamentos permitidos en cada unha das zonas identificadas dentro dos parques e concretan as actuacións a desenvolver en materia de conservación, uso público ou investigación, entre outros.

ÚLTIMAS

Concentración en Vigo pola aumento de accidentes e ritmos de traballo no naval

Decenas de persoas concentráronse este xoves en Vigo para denunciar o aumento da sinistralidade laboral...

Chaman a manifestarse este sábado en Vigo contra o xenocidio en Gaza

A Plataforma Cívica Vigo Pro-Palestina, integrada por máis de 40 entidades sociais, veciñais, sindicatos e...

O TSXG ratifica a condena a 15 anos de cárcere o acusado de violar ao seu fillastro en Vigo

O Tribunal Superior de Xustiza de Galicia (TSXG) ratificou a condena a 15 anos...

A UVigo participa nun proxecto para a detección satelital de incendios

Aistech Space, Telespazio Ibérica e Kreios Space, en colaboración coa Universidade de Vigo (UVigo),...