InicioMedio Ambiente e PatrimonioUnión Fenosa, multada por cortas ilegais nun espazo de Rede Natura 2000

Unión Fenosa, multada por cortas ilegais nun espazo de Rede Natura 2000

Cortou máis de vinte amieiros, salgueiros e carballos nunha zona de especial protección da natureza e foi sancionada con pouco máis de 7.500 euros.

PUBLICADO O

- Advertisement -

Unión Fenosa acaba de ser multada por realizar podas e talas non autorizadas, alterando a vexetación protexida da ribeira do río Tea, en Ponteareas, e realizar labores mecánicas no propio cauce do río, mesmo atravesándoo dunha beira a outra cun tractor. Nestas accións de mantemento da liña de alta tensión que atravesa o Tea cortáronse máis de vinte amieiros, salgueiros e carballos nunha zona de especial protección da natureza, dentro da Rede Natura 2000.

O Grupo Ecoloxista ADENCO recibiu estes días a comunicación da Confederación Hidrográfica Miño-Sil sobre a resolución deste expediente iniciado hai uns meses contra a multinacional eléctrica por danos nas beiras do río Tea en Ponteareas, a raíz dunha denuncia do colectivo ambientalista.

A denuncia, despois do trámite legalmente previsto, concluiu cunha multa de 7200,00€ e 360€ de indemnización polos danos realizados. Ademais, a Confederación dálle a Unión Fenosa quince días para retirar, como debería ter feito xa no seu día, os resto de tala e poda.

DESIDIA

“Para o colectivo ecoloxista o que resulta máis sorprendente é a desidia e inacción da administración”, apuntan desde ADENCO.  Así, apuntan que nin o concello, nin a Xunta fixeron ningunha denuncia dos feitos. “Parece absolutamente inconcebible que un pequeno colectivo sen ánimo de lucro e con recursos limitados teña que denunciar o que todos ven, facendo deixación das súas funcións e facendo recaer na cidadanía competencias que non lle son propias”, indican.

En todo caso, suliñan que desde o colectivo ecoloxista seguirán a denunciarse accións que poñan en risco a conservación do espazo, como novas sendas ás beiras do río, tallas, podas, arranxos de infraestruturas ou calquera outra acción, provomovida por entidades públicas ou privadas.

ÚLTIMAS

O pleno extraordinario de aprobación do novo PXOM celebrarase o 26 de maio

O goberno municipal de Vigo fixou para o vindeiro luns 26 de maio o pleno extraordinario...

O xerente da área sanitaria sobre as esperas dun mes para analíticas: “O aumento de peticións de probas é tremendo”

O xerente da área sanitaria de Vigo, Francisco Javier Puente, referiuse este luns ao aumento...

Detido un veciño do Porriño que deu unha malleira a un septuaxenario para roubarlle

O Equipo de Policía Xudicial da Garda Civil de Vigo detivo a un home de 42...

O festival de Cans 2025 arrinca coa retrospectiva internacional a Alejandro Loayza

A XXII edición do Festival de Cans arrinca este martes na aldea do Porriño...