InicioMedio Ambiente e PatrimonioAbel Caballero: "Sen o alcalde de Vigo, xamais haberá candidatura de Illas...

Abel Caballero: “Sen o alcalde de Vigo, xamais haberá candidatura de Illas Atlánticas a Patrimonio da Humanidade”

PUBLICADO O

- Advertisement -

Abel Caballero, proclamou este venres que “sen o alcalde de Vigo xamais haberá candidatura de Illas Atlánticas a Patrimonio da Humanidade“, porque esta candidatura, impulsada pola Xunta, non conta co consenso nin de Vigo nin doutros municipios afectados, como Bueu e, por tanto, está “fracasada estrepitosamente”.

Así o trasladou o rexedor olívico nunha rolda de prensa na que, un día máis, volveu a denunciar o intento do goberno autonómico de “frear” a candidatura que promove o Concello (e que pide a declaración de Patrimonio da Humanidade só para as illas Cíes).

Abel Caballero lembrou de novo que a candidatura da Xunta foi feita “contra Vigo, contra o alcalde de Vigo, contra Bueu e contra os veciños de Ons, e contra a candidatura de Cíes”, porque non foi consultada con ninguén dos directamente afectados.

A ese respecto, incidiu en que o goberno vigués iniciou o traballo da súa iniciativa en 2013, mentres que a Xunta presentou a súa candidatura en 2017, “manobrando torticeiramente”, nun exemplo de “abuso político”, e todo para prexudicar á proposta viguesa.

Segundo recalcou o alcalde, xa non é só que non se acordou dita candidatura, é que “non cumpre” cos requisitos que impón a Unesco. “Sen o alcalde de Vigo hamás haberá esa candidatura, a única que pode triunfar é a de Cíes”, proclamou Caballero, que pediu ao goberno de Feijóo que retire a súa proposta. Ademais, o primeiro edil vigués denunciou que, a pesar de non cumprir os requisitos, a Xunta presentou a súa proposta “enganando ao Ministerio de Cultura e 16 Comunidades Autónomas”, e repetiu que esa candidatura está “fracasada estrepitosamente”.

ÚLTIMAS

Piden oito anos de prisión para un acusado de roubar e agredir sexualmente a unha muller en Vigo

Un home enfróntase a oito anos e medio de prisión como suposto autor dun...

O Concello e Universidade de Vigo impulsan a creación dun Observatorio da Vivenda

O Concello e a Universidade de Vigo crearán un Observatorio da Vivenda para facer...

Rescatan un veleiro á deriva e encallado na costa de Vigo sen ninguén a bordo

Os servizos de emerxencia rescataron o pasado domingo un veleiro á deriva na costa...

Un axente da Policía Local de Vigo absolto tras ser acusado de chamar “matado” e “subnormal” a un discapacitado

A sección quinta da Audiencia Provincial de Pontevedra, con sede en Vigo, absolveu a...