InicioMedio Ambiente e PatrimonioOs animalistas denuncian a utilización de mascotas como agasallos de Nadal

Os animalistas denuncian a utilización de mascotas como agasallos de Nadal

PUBLICADO O

A Asociación Animalista Libera e a Fundación Franz Weber anunciaron este xoves o inminente lanzamento da súa campaña “Non son un agasallo” para disuadir da adquisición de animais domésticos como agasallo do Nadal, sinalando que as tendas “aínda xogan coa compaixón e a impulsividade da cidadanía para lucrarse reducindo aos seres vivos a meros obxectos de consumo”.

A Lei de Benestar Animal de Galicia estableceu unha moratoria para a adaptación das tendas de animais a disposicións como a prohibición de exhibición dos mesmos en escaparates, e na comarca pecharon algúns destes establecementos nos últimos dous anos, pero o problema multiplícase na internet, onde os animalistas denunciaron unha proliferación de anuncios irregulares sen que a Xunta tomase medidas.

Con ofertas a prezos manifestamente baixos, os criadores ilegais benefícianse dun mercado negro onde calquera internauta pode comprar toda clase de animais, como cans e gatos, sen garantías nin seguridade algunha, e onde ata as plataformas que fan de intermediarias ofrecen “microcréditos” para facilitar as transaccións.

Así, FFW e LIBERA! impulsarán a súa campaña no mesmo campo de batalla, con anuncios recorrentes en coñecidas redes sociais para disuadir ás persoas de adquirir a un animal como presente do Nadal, apostando pola adopción sempre tras un proceso reflexionado e responsable.

Os animalistas advertiron que ‘tanto as tendas como os criadores irregulares buscan maximizar os seus ingresos co maior número de vendas, cosificando aos animais e expondo a súa adquisición como un simple agasallo cuxa devolución é imposible, ademais de non respectar as disposicións da normativa vixente’.

Estímase que o 30% dos animais adquiridos nestas datas será abandonado durante o segundo trimestre do próximo ano, supoñendo un custo para a administración pública e por extensión para o conxunto da cidadanía, que paga o egoísmo dunha parte da poboación preocupada na “orixinalidade” do que regala en Nadal.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...