O Concello de Vigo organiza unha noite de visualización de perseidas en VigoNature, o novo parque ambiental da Madroa que substitúe ao antigo zoo.

Segundo anunciou o alcalde, Abel Caballero, será o martes 12 de agosto entre as 22.30 e as 00.30 horas, co obxectivo de observar as estrelas e o firmamento.

Serán cinco os especialistas que guiarán e acompañarán ás 75 persoas que poderán inscribirse nesta actividade a través da web de VigoNature.