As andainas organizadas pola Cámara Municipal de Caminha e o Concello da Guarda co
obxectivo de coñecer a paisaxe e o patrimonio da comunidade galega e o país veciño
remataron na xornada do pasado sábado día 17 de novembro coa Ruta dos Muíños do
Folón e do Picón.

O peche do calendario deste ano 2018 realizouse nas terras veciñas rosaleiras coa ruta de
18 km polos Muíños do Folón e do Picón.

Os Muíños do Folón e do Picón son un grupo de 60 muíños en fervenza, declarados Ben de Interese Cultural ao constituír un rico patrimonio etnográfico. Xa aparecen mencionados en documentos do século XVII. Foi un recorrido de gran beleza, con panorámicas ao val do Rosal e Esteiro do Miño. Tamén se coñeceu a Capela na véspera da celebración de San Martiño.