Persoal do Consello Superior de Investigacións Científicas (CSIC), a través dos Centros Oceanográficos de Baleares e Vigo do Instituto Español de Oceanografía e do Instituto de Investigacións Mariñas (IIM)), participou nun estudo sobre bioturbulencia na costa de Bueu, cuxos resultados se publicaron en Nature Geoscience en 2022, e que foi distinguido co premio Ig Nobel de física.
Así o informan os promotores, tras a cerimonia de entrega en relación a un estudo distinguido pola revista Annals of Improbable Research para recoñecer aquelas investigacións que “primeiro fan rir á xente e despois pensar”.
“Este traballo foi posible grazas á colaboración entre institucións e a un enfoque multidisciplinar que combina aproximacións metodolóxicas diversas nos campos da física e a bioloxía”, explican en relación a un traballo que buscou determinar “que axentes e procesos eran os causantes dos incrementosde turbulencia”.
Para isto, indican. fíxose uso da ecosonda acústica instalada no buque oceanográfico Ramón Margalef do Instituto Español de Oceanogrfía (IEO), que rexistrou ecos concorrentes cos incrementos de turbulencia atribuíbles a agregacións de pequenos peixes peláxicos e as mostraxes de plancto.
