InicioMedio Ambiente e PatrimonioA cidade deportiva do Celta está a ser construída nos montes comunais...

A cidade deportiva do Celta está a ser construída nos montes comunais de Mos de forma ilegal, tal e como declarou o TSXG

No centenario co Celta, Ecoloxistas en Acción insta aos seus siareiros a recuperar os valores que fixeron grande ao clube e a ir en contra deste proxecto.

PUBLICADO O

A chamada cidade deportiva do Celta construída nos montes comunais de Mos foi declarada unha construcción ilegal polo Tribunal Superior de Xustiza de Galicia en sentenza firme. O TSXG dictaminou que os campos e o edificio construído en solo rústico de especial protección carecía das licencias e permisos axeitados.

Esta construcción ilegal é o eixo central do proxecto Galicia Sport 360 que a Xunta de Galicia declarou proxecto de interese autonómico (PIA). Por iso, Ecoloxistas en Acción solicita a retirada da designación de proxecto de interese autonómico ao proxecto Galicia Sport 360 por ser unha construcción ilegal na súa orixe.

Subliñan que resulta especialmente vergoñento que o Real Club Celta celebre o centenario da súa fundación, o 23 de agosto, nun recinto declarado ilegal polos tribunais de xustiza, colocando a primeira pedra do proxecto Galicia Sports 360. Algo que, para Ecoloxistas en Acción, contrasta cos valores que reivindica o club: afouteza, solidariedade e compromiso, que van ligados á súa centenaria historia.

Aseguran que a afección celtista contempla con estupor as argucias dunha directiva máis preocupada en burlar a lexislación medioambiental para dar pelotazos urbanísticos que en construir un proxecto deportivo e social sólido no que os siareiros sexan escoitados e non meros espectadores pasivos. Porén, a directiva actual do Real Club Celta segue as orientacións do capitalismo máis salvaxe, que busca beneficios a costa de privatizar o común, despoxar ás comunidades e espoliar o territorio.

“A declaración de interese autonómico ao proxecto Galicia Sport 360 evidencia o intento de burlar a acción da Xustiza, de eludir a sentenza do tribunal superior de Galicia. Hai claros indicios de prevaricación por partes da Vicepresidencia Primeira e Consellería de Presidencia, Xustiza e Deportes”, declara Xaquín Pastoriza, voceiro de Ecoloxistas en Acción Rías Baixas.

Ecoloxistas en Acción fai un chamamento aos siareiros e siareiras do Celta a unirse á veciñanza comuneira de Tameiga e ás organizacións ecoloxistas no rexeitamento a un evento que tenta ser un lavado de cara dunha desfeita ambiental e urbanística nos montes de Mos, coa cumpricidade de Xunta e Concello mosense. “A Historia, o escudo e a camiseta celeste non merecen esta aldraxe”, recalcan desde a organización ecoloxista.

ÚLTIMAS

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...