A Garda Civil rescatou o pasado venres, día 21 de abril, a un cabalo que caera nun depósito de auga da Comunidade de Montes en Moaña despois de que un particular alertara aos axentes

Por iso, unha patrulla desprazouse ao lugar, onde comprobou que o cabalo se atopaba en serio risco de afogamento, sendo incapaz de manterse á boia e respirando con moita dificultade tras meterse no recinto do depósito por un pequeno buraco do valo.

A rápida actuación dos axentes, en colaboración cos membros da Comunidade de Montes, permitiron salvar a vida do cabalo. “A tarefa foi complexa, pois o animal mostraba un alto grao de nerviosismo e, coas condicións climáticas adversas que había nese momento, o rescate foi difícil, pero afortunadamente puido realizarse con éxito”, sentenciou a Garda Civil nun comunicado.