InicioA Louriña14 concellos con restricións, ningún en nivel máximo

14 concellos con restricións, ningún en nivel máximo

PUBLICADO O

A área de Vigo líbrase das restricións máximas pola covid. O Comité Clínico dependente da Xunta decidiu declarar o nivel máximo de alerta sanitaria nos concellos de Monforte e Ordes tras o gran incremento de casos que tiveron lugar nestes municipios nos últimos días. Deste xeito, Galicia volverá contar con municipios neste ámbito, tras quedar o fin de semana pasado sen localidades nesta situación.

O conselleiro de Sanidade, Julio García Comesaña, informou destes cambios, o cal atribuíu á ponte de tres días, coa celebración de festas patronais, comidas privadas e algúns “na hostalaría”.Por outra banda quedan en nivel alto na área sanitaria da Coruña os concellos de Fisterra, Laxe, Muxía, Betanzos, Cee, Sada, Camariñas, Vimianzo, Carral, Cerceda. Na área sanitaria de Ferrol os municipios de Pontedeume, Ares, Cariño. Na área sanitaria de Santiago, os de Melide e Trazo.

Tamén na área sanitaria de Lugo quedan en nivel alto os concellos de Rábade, Castro de Rei, Meira, A Pastoriza, O Saviñao, Pantón, Sober. Na de Ourense os do Barco de Valdeorras, Viana do Bolo, A Rúa. Na área de Pontevedra os municipios de Ponte Caldelas e Cerdedo-Cotobade e na de Vigo os de Nigrán, O Rosal, e A Cañiza.

O Comité Clínico tamén deixa en nivel medio aos concellos da Coruña, Zas, Coiros, Corcubión, Carballo, Ponteceso,  Oza-Cesuras, Cambre, Culleredo, Oleiros, Arteixo, Cabana de Bergantiños, Malpica de Bergantiños, Miño, na área sanitaria da Coruña. Os de Fene, Narón,  Cabanas, Mugardos, Ferrol na área de Ferrol e os de Santiago, Rianxo,  Boiro, Silleda,  Santa Comba, Oroso, Porto do Son, na de Santiago.

Tamén quedan neste nivel os concellos de Outeiro de Rei, Chantada, Lugo, Begonte na área de Lugo; Allariz, Xinzo de Limia,  A Veiga, Ourense, O Carballiño, Verín na área sanitaria de Ourense; A Lama,  Marín,  Catoira, Caldas de Reis,  Pontevedra, Sanxenxo, Poio, Soutomaior, Bueu na área de Pontevedra e os de Vigo, Gondomar, Salceda de Caselas, Pazos de Borbén, O Porriño,  Ponteareas, Redondela, Arbo, As Neves, Tui, Tomiño na área sanitaria de Vigo.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...