Galicia superou os 10.000 casos activos de coronavirus Covid-19 tras situarse con 10.196 este venres, despois de confirmarse por PCR nas últimas 24 horas outros 685 contaxios, deles 154 na área de Vigo.
Así se reflicte nos datos actualizados na mañá deste venres na web da Consellería de de Sanidade con cifras actualizadas ata as 18,00 horas deste xoves, do que se desprende que soben os casos activos na área de Vigo ata os 2.475, o que supón 87 máis que na xornada anterior.
No conxunto de Galicia, se se teñen en conta as altas rexistradas con respecto ao xoves (412 máis), o incremento de casos activos (301 máis) e as persoas falecidas (nove máis), os contaxios soben nuns 722, deles 685 confirmados por PCR nas últimas 24 horas.
En canto ás hospitalizacións, na área de Vigo as persoas con Covid ingresadas soben a 89 –cinco máis–, delas 17 en UCI –una máis– e 72 noutras unidades –catro máis–. Ata a data curáronse 4.249 persoas e feito 143.542 PCR.
En toda Galicia, os pacientes con Covid ingresados en hospitais incrementaron a 593 –16 máis que ese xoves–, dos cales 85 permanecen en UCI –seis máis– e 508 noutras unidades de hospitalización –10 máis–.
