O Instituto Xeográfico Nacional (IGN) rexistrou este martes un pequeno terremoto, con epicentro na localidade pontevedresa de Mos, aínda que non foi perceptible para a poboación e non ocasionou danos. Segundo informa o IGN, o tremor produciuse ás 6,45 horas deste martes, e o seu centro foi o municipio de Mos. A magnitude do terremoto foi de 2,2 segundo a coñecida como escala de Richter.

Este non foi o único sismo rexistrado no Sur de Galicia nos últimos días, xa que tamén se produciu un pequeno terremoto, na madrugada do pasado sábado, con centro en Gomesende (Ourense). Nese caso, a magnitude foi aínda menor, de 1,5.

Por outra banda, tamén na mañá deste martes, rexistrouse un terremoto con epicentro no Norte de Portugal, preto da fronteira coa provincia de Ourense. En concreto, foi un tremor de magnitude 1,9, localizado no municipio transfronteirizo de Chaves.