A Feira do Pan de Porriño, organizada por ACIPOR e a Asociación de Panaderos de Porriño en colaboración e co patrocinio do Concello de Porriño, está xa en marcha para celebrar os próximos 1 e 2 de Xuño a súa IIIª Edición, que queren que consolide e amplíe o seu impacto como a única feira de pan artesano da provincia de Pontevedra.

A súa maior novidade é a primeira edición do torneo “Empanadas no ring” que premiará, tras varias rondas clasificatorias, á mellor empanada artesá. O prazo de inscrición durará ata o día 30 de maio.

Calquera persoa pode presentar un equipo, composto dun mínimo de 3 e un máximo de 5 persoas que competirán presentando a súa empanada ao xurado o día 2 de Xuño. Poderanse presentar ata 8 equipos, un por parroquia, polo que a organización anima aos interesados/as a que participen no evento dirixindo as súas solicitudes a comunicacion@acipor.es ou no teléfono 693407755. O prazo de inscripción termina o 30 de maio.

Os principais obxectivos da convocatoria deste concurso son:
– Promocionar e poñer en valor o produto gastronómico da panadería porriñesa.
– Recuperar a romería da empanada, moi ligada municipio ata mediados dos século XX e ao sector da panadería porriñesa.
– Fomentar a participación da cidadanía na posta en valor do pan e da panadería porriñesa.

A inscrición será de balde. Cada equipo representará a unha parroquia e para concurrir ao presente concurso, deberá presentar 3 empanadas coa mesma receita que vaia a concursar.

O concurso ten unha dinámica de competición en grupos de dous. Ao comezo do concurso,
realizarase un sorteo para seleccionar grupos de dous equipos, que competirán en cuartos de final, semifinais e final.

Cada competición comezará do seguinte xeito. Cada equipo deberá nomear un Voceiro/a.
Este, presentará a empanada relatando os sequintes aspectos:
1) Nome da empanada.
2) Recheo: indicando os ingredientes e a forma de preparación do mesmo.
3) Presentación e Forma: Proceso de elaboración, cocción, sabor, forma e
peculiaridades.
4) Identidade e Orixinalidade: a tradición ou idea na que se inspiran para desenvolver a
empanada así como a propia posta en escea e representación da explicación de cada
empanada.
Unha vez rematada a presentación de cada un destes aspectos, que se fará de xeito alterno (é decir, cada voceiro se levantará, exporá cada punto e logo se voltará ao seu rincón a sentar para que o outro equipo expoña o punto correspondente e se poidan valorar cada un deles de xeito conxunto).

Cada equipo terá como máximo 2 minutos para exponer cada un dos 3 puntos a valorar
(recheo, presentación e identidade) e poderá facer uso libremente dese tempo mediante
oratoria ou recursos artísticos como citas, tradicións, poemas, etc…

En cada “asalto”, o xurado valorará cada un destes aspectos e emitirá unha puntuación final, resultado da cal, un equipo pasará á seguinte ronda e outro, quedará eliminado,
sucesivamente ata a final.

As empanadas que participen neste concurso deberán ter como principal ingrediente base da masa do pan do Porriño. É decir, quedan eliminadas as empanadas que puideran
desenvolverse con outro cereal (millos, centeo…) ou outras masas.

As empanadas serán de como mínimo 1 kg e como máximo 2 kilos e a forma poderá ser libre. Cada participante deberá dispoñer da receita escrita que conteña os ingredientes e modo de preparación a disposición do xurado no momento da presentación da empanada.

Haberá un xurado composto polos 8 panadeiros participantes na Feira do Pan, e un membro máis escollido aleatoriamente entre o público asistente.  O xurado dos panadeiros valorará cada un dos 3 aspectos citados no artigo secto: Recheo, Preparación, forma e presentación e identidade.

Cada un dos tres aspectos se valorará de 0 a 10 puntos. O equipo que acada máis puntos, gaña e pasa á seguinte fase. O veredicto da fase final, terá como consecuencia o anuncio da mellor empanada para os panadeiros.

Os premios do concurso serán:
– 1o premio do Xurado: Trofeo e Ruta polo Palacio de Auga de Mondariz.
– 2o premio do Xurado: Trofeo e lote de produtos de panadería.

show cooking

Desde a organización informan ademais de que o ciclo de Panadería Repostería da escola de Formación Profesional EFA A CANCELA situada nas Neves, participarán nuevamente organizando o show cooking da feria.

Os futuros cocineros e chefs de EFA A CANCELA elaborarán varias preparacións de pratos nos que brillará o pan de Porriño, saladas e doces. Na preparación deste show cooking xa traballa o equipo de alumnos buscando combinacións e maridaxes que fagan brillar este produto.

A escola de formación profesional EFA A Cancela aposta desde fai anos por formar aos seus alumnos no campo da panadería artesana, buscando a esencia do bo pan, utilizando procesos moi similares aos do pan de Porriño, (as longas fermentacións, trigos de gran calidade, masa nai, etc.).

Desta paixón polo pan, desde a Feira do Pan de Porriño considerouse moi positivo contar coa colaboración de EFA A Cancela para visibilizar esta profesión e a necesidade de combinar a tradición coa formación e a innovación, ao entender que o futuro da panadería pasa por formar profesionais que volvan situar o pan nos estándares de calidade que se merece.