O Consello Social da Universidade de Vigo (UVigo) aprobou de forma definitiva, este mércores, en Ourense, durante a súa última sesión do ano, o orzamento co que esta institución académica contará o próximo 2023.

Tal e como informou o Diario Oficial da UVigo (DUVI), desta forma, dáse luz verde ao “maior orzamento da historia” da institución académica, que supera por primeira vez os 200 millóns de euros, situándose concretamente en 227.915.618 euros.

Ademais, o Consello Social da UVigo aprobou o seu orzamento para o seguinte exercicio e ratificou o teito de gasto da UVigo e a oferta de emprego público para o persoal docente e investigador da institución académica para o próximo ano.

Esta oferta, segundo sinalou o DUVI, contempla un total de 117 prazas de emprego público para persoal docente e investigador, das que 52 corresponden a profesorado titular da universidade, 40 a catedráticos da UVigo e 25 ao profesorado.