InicioEconomíaEmpresarios de Pontevedra piden non subir salarios polo "competitivo mercado laboral" de...

Empresarios de Pontevedra piden non subir salarios polo “competitivo mercado laboral” de Portugal

PUBLICADO O

- Advertisement -

A Confederación Empresarial de Pontevedra (CEP) pediu “moderación” na subida do Soldo Mínimo Interprofesional (SMI), en liña coa formulación da Confederación Española de Organizacións Empresariais (CEOE) e da Confederación Española da Pequena e Mediana Empresa (Cepyme). Nun comunicado, os empresarios pontevedreses apelaron ao “efecto territorio”, lembrando o “competitivo mercado laboral” de Portugal.

“Non podemos deixar de ter presente que Pontevedra e Galicia colindan cun mercado laboral moi competitivo cun SMI por baixo do mil euros, como é Portugal, e isto ten un impacto directo sobre a contratación, por non mencionar que o tecido produtivo galego está composto de pemes nun 99,5%, fronte a outras provincias con maior presencia de multinacionais”, subliñou o presidente da CEP, Jorge Cebreiros.

Por iso, desde a organización apoian a decisión adoptada pola CEOE, que acordou trasladar ao Ministerio de Traballo a súa aposta pola “moderación salarial” para favorecer o crecemento económico e a creación de emprego.

“Desde a CEP insistimos en que a recuperación foi desigual por sectores e unha subida excesiva prexudicaría a conservación do emprego. No caso de Galicia, ademais, debe terse presente a presión á que están sometidas as empresas co anuncio da subida da peaxe na AP-9, un ano máis”, engadiu Cebreiros.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...